রাম স্তোত্রম

  রাম স্তোত্রম

____________________

ॐ নমঃ শ্রীরামচন্দ্রায় নিত্যানন্দস্বরূপিণে।

কলিকল্মষনাশায় প্রেমামৃত প্রবর্ষিণে ।।১

শান্তায় শান্তিরূপায় নির্গুণায় গুণাত্মনে।

দয়াপ্রবণচিত্তায় স্থিরপ্রজ্ঞায় বৈ নমঃ ।।২

ত্যক্ত সমস্তকামায় জিতদ্বন্দ্বায় ধীমতে।

নিত্যমুক্তায় শুদ্ধায় ক্ষুতৃষ্ঞারহিতায় চ।।৩

গুরবে জ্ঞানরূপায় সংসারান্ধতমোনুদে।

শ্রীমদ্রাসরসোল্লাসরসিকায় রসাত্মনে ।।৪

ব্যক্তায়াব্যক্তরূপায় সূক্ষ্মায় স্থুলরূপিণে।

বিন্দুভূতায় নিত্যায় চিদাকাশস্থিতায় চ।।৫

অসুরাণাং বধার্থায় পুরা ত্রেতাযুগে ভুবি।

জাতো নারায়ণঃ সাক্ষাল্লক্ষ্মণশ্চানুজোঽভবৎ।।৬

সোঽয়ং রঘুত্তমো রামো রামচন্দ্রেতিসংজ্ঞিতঃ।

প্রাদুরাসীৎ কুলে পুণ্যে কমলা-মধুযোগতঃ।।৭

দেবকী জঠরে জন্ম লব্ধা দ্বাপরসংযুগে।

চিক্রীড় গোপবালৈশ্চ রেমে বৈ গোপীভিঃ সহ।।৮

সোঽয়ং লীলায়তে নিত্যং গোবিন্দো ভগবান হরিঃ।

নরেষু নররূপেণ হ্যাত্মারামো রিরংসয়া।।৯

প্রাপ্তে কলিযুগে ঘোরে নরাণাং বীক্ষ্য দুর্গতিম্।

গৌরচন্দ্রোঽবতীর্য্যাথ শচীগর্ভমহার্ণবে।।১০

গুহ্যং রাসরসং দিব্যং প্রতেনে প্রেমবিহ্বলঃ।

সোঽয়ং বিচরতীদানীং জীবানাং ক্লেশমুদ্বহন।।১১

ভ্রাতৃরূপেণ কেষাংচিদ্বন্ধুভাবেন চ ক্বচিৎ।

পালয়ন স্বগণং দুঃখাৎ সদা প্রচ্ছন্নবিগ্রহঃ।।১২

যবনোঽপি হি যৎসঙ্গাল্লেভে বৈ পরমং পদম।

তং নমামি গুরুং ভক্ত্যা রামচন্দ্রং দয়াময়ম।।১৩

যৎকৃপালেশমাসাদ্য কিচনো মুক্ততাং গতঃ।

তং নমামি গুরুং ভক্ত্যা রামচন্দ্রং দয়াময়ম।।১৪

অন্যেষাং ব্যাধিমাশ্রিত্য যো ভুঙক্তে কৃপয়া মুদা।

তং নমামি গুরুং ভক্ত্যা রামচন্দ্রং দয়াময়ম।।১৫

উপদেশং বিতনুতে ' চিত্তস্থৈর্য্যাবধারণম্ '।

সন্ততং লোক শিক্ষায়ৈ মথিত্বা শাস্ত্রসাগরম।।১৬

'প্রাণ এব পরো ধর্ম্মো গুরুরেবাশ্রয়ঃ পরঃ'।

'তদৈব লভতে শান্তিং নিরপেক্ষো ভবেদ্ যদা'।।১৭

গিরা মধুরয়া চৈবং দেশ্যং দিশতি যঃ সদা।

তং নমামি গুরুং ভক্ত্যা রামচন্দ্রং দয়াময়ম।।১৮

ধ্যেয়স্তু রামঃ প্রবিশুদ্ধমূর্ত্তির্জপ্যং সদাস্যে

বিমলং হি নাম।

সেব্যং সদা তচ্চরণারবিন্দং পেয়ং

মুহুস্তৎকরুণামৃতং হি।।১৯

কিং বর্ণতে তব গুরোঃ সুবিচিত্রলীলা দেব!

প্রমুগ্ধমতিনাদ্য ময়াধমেন ?

ক্ক ত্বং নরামরমতেরবিচিন্তনীয়ঃ

ক্কায়ং সুদুস্তরভবাম্বুধিমগ্নচিত্ত।।২০

(রচনা- স্বর্গীয় শ্রী প্রভাতচন্দ্র চক্রবর্তী)